Insaħħu l-Azzjoni Klimatika Mhux Statali fl-Unjoni Ewropea

Il-Ftehim ta’ Pariġi tal-2015 u d-Deċiżjoni ta’ Pariġi li takkumpanjah jirrikonoxxu l-importanza tal-azzjonijiet klimatiċi minn atturi mhux statali, bħan-negozji, l-organizzazzjonijiet tas-soċjetà ċivili, il-bliet, ir-reġjuni u l-inizjattivi ta’ kooperazzjoni, biex jitnaqqsu l-gassijiet serra (GHG) u biex ikun hemm adattament għat-tibdil fil-klima bħala komplementi meħtieġa għall-impenji governattivi. L-atturi mhux statali bbażati fl-Unjoni Ewropea (UE) jistgħu jitqiesu bħala mexxejja globali. Madankollu, l-implimentazzjoni ta’ azzjonijiet mhux statali mhijiex imqassma b’mod ugwali u mhijiex faċli biex tiġi traċċata.

Dan id-dokument jesplora dak li huwa meħtieġ biex jiġu aċċellerati l-azzjonijiet mhux statali u tissaħħaħ l-effettività tagħhom fl-UE u bħala soluzzjoni jissuġġerixxi li jiġi implimentat qafas ħafif biex jistimula azzjonijiet klimatiċi minn isfel għal fuq. Dan il-qafas għandu jwieġeb għall-ħtiġijiet u l-isfidi esperjenzati minn firxa ta’ partijiet ikkonċernati filwaqt li jibni fuq l-isforzi eżistenti.