L-adattament għat-tibdil fil-klima: Il-kejl tal-prestazzjoni, id-definizzjoni tal-miri u l-iżgurar tas-sostenibbiltà

Dan l-istudju, ippubblikat mill-Kumitat Ewropew tar-Reġjuni, għandu l-għan li jappoġġja lill-awtoritajiet lokali u reġjonali b’rakkomandazzjonijiet prattiċi dwar kif il-miżuri ta’ adattament jistgħu jiġu vvalutati, il-progress tagħhom imkejjel, u l-miri definiti. L-istudju jikkombina għarfien minn letteratura akkademika u griża kif ukoll eżempji ta’ pjani ta’ adattament lokali u reġjonali. Dawn l-eżempji prattiċi minn tliet bliet (Ateni, Kielce u Stokkolma) u żewġ reġjuni (Flanders u Nordrhein-Westfalen) bl-ippjanar tal-adattament iservu bħala sors ta’ ispirazzjoni għal awtoritajiet lokali u reġjonali oħra. Ir-rapport ta’ studju jinkludi wkoll prattiki tajbin li għandhom jiġu segwiti fl-istadji differenti taċ-ċikli tal-politika ta’ adattament. Il-fokus tematiku huwa varjat ħafna u jikkonsisti fost l-oħrajn mis-saħħa, l-infrastruttura (ħadra/blu), il-ġestjoni tal-ilma, l-iżvilupp urban, it-turiżmu, l-agrikoltura.