It-tibdil fil-klima u l-impatt tiegħu fuq is-saħħa tal-pulmun: enfasi fuq l-Ewropa

L-Organizzazzjoni Dinjija tas-Saħħa (WHO) wissiet li t-tibdil fil-klima potenzjalment joħloq l-akbar theddida għas-saħħa globali fis-seklu 21. Temperaturi estremi, żieda fit-trab tad-dakra u avvenimenti estremi tat-temp huma impatti klimatiċi li se jaffettwaw is-saħħa respiratorja.

Hemm evidenza li l-emissjonijiet marbuta mat-tisħin globali għandhom impatt negattiv fuq is-saħħa respiratorja, b'mod partikolari l-emissjonijiet mill-kombustjoni tal-fjuwils fossili u l-bijomassa mill-impjanti tal-enerġija, l-industrija, id-djar u l-vetturi. Is-sensibilizzazzjoni dwar dan il-periklu qed tiżdied fost is-settur tas-saħħa u l-pubbliku ġenerali Ewropew, u hekk kif qed ikompli jikber, hemm talbiet għal azzjoni aktar iebsa. Il-politiċi u l-awtoritajiet pubbliċi jistgħu jistabbilixxu l-politiki u l-oqfsa biex ibiddlu s-sistemi, biex jagħmlu t-tnaqqis kbir meħtieġ fl-emissjonijiet.

Taħlita ta’ strateġiji ta’ mitigazzjoni (li jittrattaw il-kawżi) u ta’ adattament (li jħarsu lejn kif jitnaqqsu l-effetti fuq is-saħħa tal-pulmun) tista’ tgħin biex jiġi indirizzat it-tibdil fil-klima u l-impatt tiegħu fuq is-saħħa tal-pulmun, iżda l-implimentazzjoni effettiva se tiddependi fuq il-kooperazzjoni permezz ta’ risponsi integrati li jorbtuhom.