It-tibdil fil-klima, id-degradazzjoni ambjentali u l-migrazzjoni

Dan id-Dokument ta’ Ħidma tal-Persunal tal-Kummissjoni Ewropea għandu l-għan li jipprovdi ħarsa ġenerali lejn ir-riċerka u d-data attwalment disponibbli dwar l-interkonnessjonijiet bejn il-migrazzjoni, id-degradazzjoni ambjentali u t-tibdil fil-klima. L-enfasi speċifika ta’ dan id-dokument hija fuq il-mobbiltà tal-bniedem minħabba diżastri relatati mal-klima u d-degradazzjoni ambjentali, inkluż dawk ikkawżati mit-tibdil fil-klima (eż. id-degradazzjoni tal-art, in-nixfa, id-deżertifikazzjoni, iż-żieda fil-livell tal-baħar jew diżastri kkawżati mill-klima bħan-nixfa, l-għargħar, l-avvenimenti estremi tat-temp, il-maltempati tax-xitwa u l-mewġiet ta’ sħana). Jipprovdi wkoll ħarsa ġenerali lejn il-ħafna inizjattivi ta’ rilevanza għas-suġġett li diġà qed jittieħdu mill-UE f’diversi oqsma ta’ politika, u janalizza d-dibattiti li għaddejjin dwar ir-reazzjonijiet ta’ politika fil-livell tal-UE u dak internazzjonali. Ħafna mir-rakkomandazzjonijiet tiegħu huma ta’ rilevanza speċifika għall-politiki tal-UE b’enfasi esterna, inkluż fuq l-iżvilupp, il-politika barranija u l-għajnuna umanitarja.