Bliet Favur il-Klima: Manwal dwar il-Perkorsi u l-Possibilitajiet tal-Bliet Ewropej fir-Rigward tat-Tibdil fil-Klima.

Fi żmien fejn l-isfidi globali se jinfluwenzaw b’mod sinifikanti l-ħajja ta’ kull belt, il-Presidenza Ungeriża tal-UE tagħti attenzjoni speċjali lill-iżvilupp sostenibbli tal-bliet u l-irħula. Il-Presidenza għandha l-għan li tikkontribwixxi għall-ħsieb dwar il-politika urbana Ewropea billi tiffoka fuq it-tibdil fil-klima, sfida ewlenija li jiffaċċjaw il-bliet tagħna. Dan id-dokument jappoġġja l-bliet Ewropej fil-ġlieda tagħhom kontra t-tibdil fil-klima billi jwessa’ l-bażi tal-għarfien Ewropea. Ġie żviluppat għat-timijiet tal-ġestjoni tal-bliet, għal dawk li jieħdu d-deċiżjonijiet, għall-uffiċjali pubbliċi inkarigati mill-ġestjoni tal-proċessi u għall-persunal espert ta’ appoġġ tagħhom. Bl-adozzjoni ta’ approċċ integrat, il-manwal ikopri kważi l-oqsma kollha tal-iżvilupp u l-ġestjoni tal-bliet. In-natura komprensiva ta’ dan l-approċċ tippermetti biss ammont limitat ta’ għarfien tekniku fil-fond għall-ispeċjalisti.