Studji tal-Każijiet dwar l-Agrikoltura Intelliġenti fil-Klima

Dan ir-rapport jipprovdi ħarsa speċifika għall-kuntest lejn l-Agrikoltura Intelliġenti fil-Klima (CSA) f’ħafna reġjuni differenti, u juri wkoll elementi differenti ta’ sistemi agrikoli intelliġenti fil-livell klimatiku. L-istudji tal-każijiet juru kif il-ġestjoni tal-azjendi agrikoli, tal-għelejjel, tal-bhejjem u tal-akkwakultura tista’ tibbilanċja l-ħtiġijiet tas-sigurtà tal-ikel fuq terminu qasir u twil mal-prijoritajiet għall-bidwi/produttur, kif ukoll tibni adattament għat-tibdil fil-klima u tikkontribwixxi għall-mitigazzjoni tal-gassijiet serra. Ħafna mill-impatti deskritti fl-istudji jenfasizzaw is-servizzi pprovduti lill-bdiewa, lis-sajjieda u lill-maniġers tal-art biex jippermettu ġestjoni aħjar tar-riskji/tal-impatti klimatiċi filwaqt li jipprovdu għażliet ta’ mitigazzjoni.

L-istudji tal-każijiet intgħażlu u ġew adattati mit-Tieni Edizzjoni tal-2017 tal-Climate-Smart Agriculture Sourcebook, u minn proġetti oħra tal-FAO. L-għan huwa li jiġu appoġġati aktar dawk li jfasslu l-politika, l-akkademiċi, il-prattikanti (jiġifieri s-servizzi ta’ estensjoni, l-organizzazzjonijiet mhux governattivi [NGOs] u l-bdiewa) u l-maniġers tal-programmi li huma interessati f’eżempji ta’ suċċess ta’ implimentazzjoni fuq il-post tal-approċċi tas-CSA, u li jinqabdu s-sinerġiji bejn l-adattament, il-mitigazzjoni u s-sigurtà tal-ikel fil-ħidma tagħhom.