Id-disinn, l-implimentazzjoni u l-elementi tal-kostijiet tal-proġetti tal-Infrastruttura Ekoloġika

Billi jinżammu ekosistemi b’saħħithom, jiġu konnessi mill-ġdid iż-żoni naturali frammentati u jiġu restawrati l-ħabitats danneġġati, l-infrastruttura ekoloġika toffri infrastruttura ekonomikament vijabbli u sostenibbli li tipprovdi oġġetti u servizzi u li permezz tagħha jistgħu jiġu indirizzati diversi objettivi. Network ippjanat b’mod strateġiku ta’ żoni naturali u seminaturali b’karatteristiċi ambjentali oħra jista’ jiġi ddisinjat u ġestit biex jipprovdi firxa wiesgħa ta’ servizzi tal-ekosistema. Jinkorpora spazji ħodor (jew blu jekk huma kkonċernati l-ekosistemi akkwatiċi) u karatteristiċi fiżiċi oħra f’żoni terrestri (inklużi kostali) u tal-baħar. Fuq l-art, l-IE hija preżenti f’ambjenti rurali u urbani. Ir-rapport jiddiskuti l-bidu tal-proġett tal-IE, l-ostakli u l-fatturi abilitanti, kif ukoll l-ispejjeż u l-benefiċċji u jagħti rakkomandazzjonijiet ta’ politika.