Abbozz ta' Standards Ewropej ta' Rappurtar dwar is-Sostenibbiltà (ESRS)

Il-Grupp Konsultattiv Ewropew għar-Rappurtar Finanzjarju (EFRAG) ingħata mandat mill-Kummissjoni Ewropea biex jiżviluppa abbozz ta’ Standards Ewropej ta’ Rappurtar dwar is-Sostenibbiltà (ESRSs). Abbozzi ta’ ESRSs imħejjija mit-Task Force tal-Proġett tal-EFRAG fil-perjodu bejn Ġunju 2021 u April 2022 ġew ippreżentati għal konsultazzjoni pubblika bejn it-30 ta’ April u t-8 ta’ Awwissu 2022. Wara din il-konsultazzjoni, l-EFRAG ippreżenta f’dan ir-rapport l-ewwel sett ta’ abbozzi tal-ESRSs lill-Kummissjoni Ewropea għall-adozzjoni.

L-objettiv ta’ dan ir-rapport huwa li jistabbilixxi r-rekwiżiti ġenerali li l-impriżi għandhom jikkonformaw magħhom meta jħejju u jippreżentaw informazzjoni relatata mas-sostenibbiltà skont id-Direttiva dwar il-Kontabilità kif emendata mid-Direttiva dwar ir-Rappurtar Korporattiv dwar is-Sostenibbiltà (CSRD).

L-ESRS se jkun l-istandard tar-rapportar dwar is-sostenibbiltà li l-kumpaniji se jkollhom jadottaw fis-snin li ġejjin skont l-iskadenzi stabbiliti għal kategoriji differenti ta’ kumpaniji.