Rapport tal-EEA “Reazzjoni għall-impatti tat-tibdil fil-klima fuq is-saħħa tal-bniedem fl-Ewropa: enfasi fuq l-għargħar, in-nixfiet u l-kwalità tal-ilma”

Ir-rapport jenfasizza l-ħtieġa kritika li tiġi implimentata b’mod urġenti l-leġiżlazzjoni eżistenti tal-UE, b’mod partikolari diversi politiki Ewropej dwar il-klima, l-ilma u s-saħħa u li dawn jiġu integrati aktar, u li jiġu introdotti s-soluzzjonijiet diġà eżistenti fis-setturi u fil-livelli tal-gvern kollha biex jiġu protetti l-ħajjiet, jiġu evitati eżiti negattivi għas-saħħa u jiżdied il-benesseri.

Biex intejbu t-tħejjija tagħna għall-isfidi futuri relatati mal-klima għas-saħħa mill-għargħar, l-iskarsezza tal-ilma u l-kwalità tal-ilma deterjorata, huma meħtieġa reazzjonijiet kemm fis-settur tas-saħħa kif ukoll f’setturi oħra li għandhom impatt fuq is-saħħa, inklużi l-ġestjoni tal-ilma, l-ippjanar spazjali, id-disinn tal-bini jew l-assigurazzjoni.