Appoġġ tal-UE għat-turiżmu - Ħtieġa għal orjentazzjoni strateġika ġdida u approċċ ta' finanzjament aħjar

Dan ir-rapport speċjali mill-Qorti Ewropea tal-Awdituri huwa maħsub biex jipprovdi kontribut għall-ħidma tal-Kummissjoni fid-definizzjoni ta’ strateġija komprensiva għat-turiżmu għall-2030 b’objettivi fuq terminu medju u twil. F'dan ir-rigward, it-turiżmu sostenibbli huwa wieħed mill-aktar kunċetti prominenti fl-iżvilupp tat-turiżmu. Dan jinvolvi l-ibbilanċjar tal-aspetti ambjentali, ekonomiċi u soċjokulturali tal-iżvilupp tat-turiżmu biex jiġi ggarantit li t-turiżmu jkun sostenibbli fit-tul. Dan jikkonċerna wkoll il-kwistjoni ta’ kif għandhom jiġu indirizzati l-effetti tat-turiżmu fuq it-tibdil fil-klima u kif għandhom jiġu indirizzati l-impatti tat-tibdil fil-klima fuq is-settur tat-turiżmu.