Il-foresti Ewropej għall-bijodiversità, il-mitigazzjoni tat-tibdil fil-klima u l-adattament għalih

Bħal ħafna ekosistemi llum, il-foresti huma mhedda minn disturbi, fatturi ekonomiċi u pressjonijiet kompetittivi. F’dawn l-aħħar snin, il-ħtieġa urġenti li jiġu indirizzati l-kriżijiet interrelatati tat-telfien tal-bijodiversità u t-tibdil fil-klima rriżultat f’enfasi akbar fuq il-protezzjoni, ir-restawr u l-ħolqien tal-foresti, u hemm sensibilizzazzjoni pubblika u politika akbar dwar l-isfidi li qed jiffaċċjaw il-foresti. L-Ewropa ilha tieħu azzjoni fir-rigward tal-foresti u l-ktajjen tal-provvista tal-injam ta’ pajjiżi terzi (eż. permezz tar-Regolament dwar l-Injam, u l-Pjan ta’ Azzjoni FLEGT tal-UE), u l-pressjoni tal-opinjoni pubblika, u l-ħtieġa għall-integrità fl-affarijiet domestiċi u esterni tfisser li l-azzjonijiet għall-preservazzjoni u r-restawr tal-foresti fl-Unjoni Ewropea jridu jkunu effettivi u kredibbli. Dan in-Nota Futura jiġbor flimkien l-aħħar evidenza dwar il-kapaċità tal-foresti tal-Ewropa li jappoġġaw il-bijodiversità filwaqt li jneħħu u jaħżnu l-karbonju mill-atmosfera, filwaqt li jipprovdu wkoll is-servizzi tal-ekosistema meħtieġa għall-adattament għat-tibdil fil-klima u l-benesseri tagħna, u jikkontribwixxu għall-bijoekonomija u t-tnaqqis fl-użu tal-fjuwils fossili.