L-Istat Ewropew tal-Klima 2022

L-Istat Ewropew tal-Klima (ESOTC) 2022 huwa s-sitt wieħed f’sensiela ta’ rapporti annwali tal-ESOTC,  tipikament maħruġa f’April ta’ kull sena. Huwa wieħed mill-prodotti fil-portafoll C3S tas-servizzi ta’ monitoraġġ tal-klima, flimkien mal-Bullettini tal-Klima ta’ kull xahar u l-Indikaturi tal-Klima C3S, li kollha jkopru d-dinja, l-Ewropa u r-reġjuni polari, iżda b’enfasi li tvarja.

Ir-rapport tal-ESOTC tal-2022 jinkludi stampa tal-kuntest globali matul is-sena, ħarsa ġenerali aktar komprensiva lejn il-kundizzjonijiet fl-Ewropa, u enfasi fuq l-Artiku. Jipprovdi analiżi dettaljata, b’deskrizzjonijiet tal-kundizzjonijiet u l-avvenimenti klimatiċi, u jesplora l-varjazzjonijiet assoċjati fil-varjabbli klimatiċi ewlenin mill-partijiet kollha tas-sistema tad-Dinja. Is-sejbiet ewlenin għal kull taqsima jistgħu jinstabu fis-Sommarju tal-ESOTC, li jiddeskrivi wkoll l-aħħar aġġornamenti tal-Indikaturi Klimatiċi tas-C3S.

L-ESOTC 2022 jiddependi ħafna fuq settijiet ta’ data pprovduti operazzjonalment u kważi f’ħin reali mis-Servizzi ta’ Copernicus, biex jagħti ħarsa ġenerali lejn l-2022 fil-kuntest fit-tul. Id-data u r-rapporti minn attivitajiet oħra ta’ monitoraġġ huma inklużi wkoll, meta dan ikun tqies bħala informattiv u komplementari. Id-data operazzjonali hija aċċessibbli liberament permezz ta’ katalgi tad-data, prinċipalment permezz tal-Maħżen tad-Data dwar il-Klima (CDS) tas-C3S, iżda wkoll permezz ta’ repożitorji oħra, bħall-Maħżen tad-Data tal-Atmosfera (ADS) tas-Servizz ta’ Monitoraġġ tal-Atmosfera ta’ Copernicus (CAMS). Dawn is-servizzi tad-data operazzjonali jibnu fuq riċerka u żvilupp estensivi mwettqa minn istituzzjonijiet madwar l-Ewropa u l-bqija tad-dinja.

Is-sejbiet ewlenin għal kull taqsima tar-rapport tal-2022 jistgħu jinstabu fis-Sommarju tal-ESOTC. Minbarra li jiġbor fil-qosor it-taqsimiet tal-ESOTC, jiddeskrivi wkoll l-aħħar aġġornamenti tal-Indikaturi Klimatiċi tas-C3S.

L-Istat Ewropew tal-Klima (ESOTC) huwa rapport annwali kkompilat mis-Servizz dwar it-Tibdil fil-Klima ta’ Copernicus (C3S), implimentat miċ-Ċentru Ewropew għall-Previżjonijiet Metereoloġiċi fuq Perjodu Medju (ECMWF) f’isem il-Kummissjoni Ewropea. Is-sejbiet tal-ESOTC huma bbażati fuq data u għarfien espert minn madwar il-komunità tas-C3S, kif ukoll servizzi oħra ta’ Copernicus u sħab esterni. L-ESOTC jiġi ppubblikat ftit wara li jkun ġie konkluż il-ġbir ewlieni tad-data għas-sena preċedenti. Jipprovdi analiżi tal-monitoraġġ għall-Ewropa għas-sena kalendarja li għaddiet, b’deskrizzjonijiet tal-kundizzjonijiet u l-avvenimenti klimatiċi. Barra minn hekk, jesplora l-fluttwazzjonijiet assoċjati fil-varjabbli u l-indiċijiet klimatiċi ewlenin mill-partijiet kollha tas-sistema tad-Dinja. 

Ara r-rapporti tal-ESOTC tal-2019, tal-2020 u tal-2021.

ECCA 2021 - Vidjo dwar is-soluzzjonijiet tal-Adattament għat-Tibdil fil-Klima - ESOTC