Il-periklu u l-vulnerabbiltà tan-nirien fil-foresti Ewropej taħt klima li qed tinbidel: lejn l-integrazzjoni tad-dimensjonijiet tar-riskju

Dan ir-rapport tekniku huwa riżultat tal-proġett PESETA IV taċ-Ċentru Konġunt tar-Riċerka (JRC). Dan jipprovdi valutazzjoni dwar il-periklu u l-vulnerabbiltà tan-nirien fil-foresti Ewropej taħt it-tibdil fil-klima.

It-tibdil fit-temp u l-klima, il-kundizzjoni u l-kompożizzjoni tal-veġetazzjoni u l-fatturi umani kollha għandhom rwol essenzjali fir-reġimi tan-nirien. L-istudju jeżamina kif dawn il-kundizzjonijiet klimatiċi, ekoloġiċi u soċjali u l-interazzjonijiet tagħhom jikkontribwixxu għar-riskju ta’ nirien fil-foresti fl-Ewropa.

Ir-riżultati juru li l-għadd ta’ jiem b’periklu għoli sa estrem ta’ nirien fil-foresti huwa mistenni li jiżdied bil-klima li qed tinbidel. Barra minn hekk, l-interfaċċa bejn iż-żoni urbani u l-art selvaġġa (WUI) ġiet identifikata bħala indikatur ta’ fejn in-nies huma aktar vulnerabbli għan-nirien fil-foresti. Għażliet potenzjali ta’ adattament biex jitnaqqas ir-riskju ta’ nirien huma proposti wkoll fil-Kapitolu 4.1. Is-sejbiet jissuġġerixxu li ssir enfasi fuq iż-żoni tal-Mediterran u tal-muntanji tal-Ewropa kkaratterizzati minn potenzjal ogħla ta’ veġetazzjoni u vulnerabbiltà tal-popolazzjoni, u periklu potenzjali akbar ta’ nirien.