Nesploraw soluzzjonijiet ibbażati fuq in-natura - Ir-rwol tal-infrastruttura ekoloġika fil-mitigazzjoni tal-impatti tal-perikli naturali relatati mat-temp u mat-tibdil fil-klima

Dan ir-rapport ġie żviluppat mill-Aġenzija Ewropea għall-Ambjent biex tanalizza l-modi kif l-infrastruttura ekoloġika u s-servizzi tal-ekosistema jistgħu jindirizzaw l-impatti tat-tibdil fil-klima u l-avvenimenti tat-temp. L-infrastruttura ekoloġika bħall-foresti, l-artijiet mistagħdra u ekosistemi naturali oħra għandha l-potenzjal li tirregola l-ilma u tipprevjeni ħafna mill-impatti klimatiċi. Ir-rapport jiddeskrivi eżempji ta’ dawn is-soluzzjonijiet ibbażati fuq in-natura u indika li l-kostijiet tal-infrastruttura ekoloġika jistgħu jkunu inqas għaljin mill-iżvilupp ta’ infrastruttura griża biex jiġu indirizzati l-impatti tat-tibdil fil-klima. Barra minn hekk, l-infrastruttura ekoloġika tista’ tipprovdi firxa wiesgħa ta’ kobenefiċċji għall-ekonomiji lokali u għas-soċjetà.