Avvenimenti ta' Temp Estrema fl-Ewropa: tħejjija għall-adattament għat-tibdil fil-klima

Dan ir-rapport huwa ffukat fuq l-għoti ta’ valutazzjoni fil-livell ta’ ħidma tal-istat attwali tal-fehim kwantitattiv tal-fenomeni estremi tat-temp rilevanti u l-impatti tagħhom. Ir-rapport għandu l-għan li jipprovdi għodda utli għal dawk li jfasslu l-politika li għalihom ix-xjenza tal-isfond tista’ ma tkunx aċċessibbli minnufih. Ir-rapport jibda b’deskrizzjoni tal-mod li bih il-fenomeni estremi tat-temp huma kkaratterizzati, b’mod partikolari permezz tal-użu tal-istatistika. Il-kapitoli sussegwenti mbagħad jiddeskrivu l-istat tal-għarfien dwar il-fenomeni estremi ewlenin tat-temp, l-impatti li għandhom u wħud mill-approċċi wiesgħa li ttieħdu, fi ħdan is-setturi u fi skali ġeografiċi differenti, biex jitnaqqsu dawn l-impatti permezz ta’ miżuri ta’ adattament. Fl-aħħar kapitolu ġie kkunsidrat il-każ partikolari ta’ adattament fi ħdan l-agrikoltura Ewropea. Ir-rapport jikkonkludi b’sommarju tas-sejbiet ewlenin u xi rakkomandazzjonijiet wesgħin għat-tisħiħ tal-informazzjoni disponibbli għal dawk li jieħdu d-deċiżjonijiet fl-Ewropa.