Il-Ġestjoni tas-Sajd u t-Tibdil fil-Klima fl-Oċean Atlantiku tal-Grigal u fil-Baħar Baltiku

Tlaqqgħet konferenza dwar "Il-Ġestjoni tas-Sajd u t-Tibdil fil-Klima fl-Oċean Atlantiku tal-Grigal u l-Baħar Baltiku" f'Bergen, in-Norveġja, mis-17 sat-18 ta' April 2008. It-temi koperti kienu jinkludu bidliet fiżiċi u bijoloġiċi relatati mat-tibdil fil-klima fl-oċeani u l-implikazzjonijiet għall-attivitajiet tas-sajd u tal-akkwakultura u l-ġestjoni sostenibbli tagħhom. Ġie konkluż li hemm bżonn li jitfasslu strateġiji ta’ monitoraġġ biex jiġu identifikati bidliet kritiċi fl-ispeċijiet u fl-ekosistemi, tiġi implimentata ġestjoni risponsiva li tista’ taġġusta malajr, jiġu identifikati speċijiet u ekosistemi li huma sensittivi għall-bidliet fil-klima, jiġu antiċipati l-bidliet fid-distribuzzjoni u jitħejjew reazzjonijiet li jevitaw il-kunflitti ta’ ġestjoni, tinżamm (jew tinbena mill-ġdid) ir-reżiljenza tal-ekosistemi tal-baħar u tal-istokkijiet tal-ħut, u jinftiehmu l-konsegwenzi soċjoekonomiċi tat-tibdil fil-klima fuq is-sajd. Ir-riċerka li hija meħtieġa biex tirfed il-preċedenti trid tkun interdixxiplinari u bbażata fuq l-ekosistema. Madankollu, is-setturi tas-sajd u tax-xjenza tal-baħar fil-pajjiżi Nordiċi bħalissa mhumiex iffinanzjati biżżejjed u, għalhekk, ma jistgħux jespandu l-attivitajiet tagħhom biex iwettqu dan.