Rapport ta' Valutazzjoni Globali (GAR) dwar it-Tnaqqis tar-Riskju ta' Diżastri. Id-dinja tagħna f’riskju: it-trasformazzjoni tal-governanza għal futur reżiljenti

Minkejja l-impenji biex tinbena r-reżiljenza, jiġi indirizzat it-tibdil fil-klima u jinħolqu perkorsi ta’ żvilupp sostenibbli, l-għażliet soċjetali, politiċi u ekonomiċi attwali qed jagħmlu l-oppost. Dan jipperikola mhux biss il-kisba tal-Qafas ta’ Sendai għat-Tnaqqis tar-Riskju ta’ Diżastri 2015–2030, iżda jfixkel ukoll il-progress lejn il-Ftehim ta’ Pariġi u l-Għanijiet ta’ Żvilupp Sostenibbli (SDGs) stabbiliti fit-Trasformazzjoni tad-Dinja tagħna: l-Aġenda 2030 għall-IżviluppSostenibbli .

Xejn ma jdgħajjef l-iżvilupp sostenibbli bħad-diżastri. Din is-sitt edizzjoni tar-Rapport ta’ Valutazzjoni Globali tan-Nazzjonijiet Uniti dwar it-Tnaqqis tar-Riskju ta’ Diżastri – Id-Dinja Tagħna f’Riskju: It-trasformazzjoni tal-Governanza għal Futur Reżiljenti toffri rakkomandazzjonijiet siewja biex jitnaqqas ir-riskju u tiżdied ir-reżiljenza. Tagħti wkoll dettalji dwar kif l-innovazzjonijiet fl-immudellar tar-riskju sistemiku joffru mekkaniżmu promettenti biex jantiċipaw u jirrispondu aħjar għar-riskju.

Fid-dawl tar-riskju sistemiku globali,is-sistemita’ governanza jridu jevolvu malajr  u jirrikonoxxu li l-isfidi għall-ekonomija, l-ambjent u l-ugwaljanza ma jistgħux jibqgħu jiġu sseparati. L-approċċi konvenzjonali għall-governanza tar-riskju kellhom it-tendenza li jkunu bbażati fuq relazzjonijiet lineari jew stabbiliti sew ta’ kawża u effett. B’kuntrast ma’ dan, il-governanza tar-riskju sistemiku jeħtieġ li tirrikonoxxi strutturi kawżali kumplessi, evoluzzjonijiet dinamiċi u impatti kaskata jew komposti.