Infrastruttura Ekoloġika - għana għall-bliet

Il-ħtieġa għaż-żamma u r-restawr tan-natura fiż-żoni urbani u qribhom hija aktar b’saħħitha minn qatt qabel. In-natura tipprovdi servizzi tal-ekosistema, li huma kruċjali għall-benesseri tagħna, għandhom il-potenzjal li jtejbu l-kwalità tal-ħajja taċ-ċittadini urbani, u joffru soluzzjonijiet kosteffettivi għall-isfidi globali. L-Infrastruttura Ekoloġika, fil-bliet u madwarhom, għandha rwol vitali fil-protezzjoni tal-bijodiversità u fit-tisħiħ tal-kapaċità tan-natura li tipprovdi servizzi importanti tal-ekosistema. Din l-iskeda informattiva tal-URBES tiddeskrivi l-komponenti ewlenin tal-Infrastruttura Ekoloġika u tesplora r-rabtiet bejn l-Istrateġija tal-UE għall-Infrastruttura Ekoloġika u l-kuntest urban. Bl-użu ta’ eżempji minn Barċellona, dan jippreżenta kif il-bliet jistgħu jużaw l-Infrastruttura Ekoloġika biex jindirizzaw l-isfidi ambjentali, soċjali u ekonomiċi, filwaqt li jsiru wkoll aktar reżiljenti għat-tibdil fil-klima, itejbu l-kwalità tal-ħajja, jiffrankaw il-flus, u jsaħħu l-ekonomija lokali.