Manwal tal-Istrateġiji ta’ Żvilupp Territorjali u Lokali

L-iżviluppi territorjali u lokali spiss jindirizzaw il-konsegwenzi jew l-impatti lokali tal-iżviluppi globali bħat-tibdil fil-klima, it-telf tal-bijodiversità, il-perikli ambjentali, eċċ. Il-mitigazzjoni tar-riskji u ż-żieda fir-reżiljenza għall-iżviluppi lil hinn mill-isfera ta’ influwenza tagħhom huma sfida ewlenija għall-istrateġiji reġjonali u lokali.

L-Unjoni Ewropea (UE) hija impenjata li tiżgura li l-potenzjal ta’ żvilupp tal-postijiet jiġi skopert u valorizzat. L-istrateġiji integrati ta’ żvilupp territorjali u lokali promossi mill-politika ta’ koeżjoni tal-UE huma għodod rilevanti biex isostnu dan il-proċess. Il-“Manwal tal-Istrateġiji ta’ Żvilupp Territorjali u Lokali” jipprovdi għarfien siewi dwar kif jitfasslu u jiġu implimentati strateġiji integrati f’żoni oħra għajr iż-żoni urbani. Għandu l-għan li jservi lill-awtoritajiet maniġerjali tal-programmi operazzjonali, lis-sidien tal-istrateġija lokali kif ukoll lil partijiet ikkonċernati oħra involuti fil-proċess.