L-isfruttar tas-setgħa ta’ kollaborazzjoni għal soluzzjonijiet ibbażati fuq in-natura - Ideat u għarfien ġodda għal dawk li jieħdu d-deċiżjonijiet fil-livell lokali

Dawk li jieħdu d-deċiżjonijiet fil-livell lokali għandhom il-kompitu li jsawru l-futur tal-bliet tagħhom biex irawmu l-benesseri tal-bniedem u jagħtu spinta lir-reżiljenza u lill-ekonomiji lokali. Madankollu huma jiffaċċjaw ukoll diversi sfidi soċjali u ambjentali kritiċi, bħat-tibdil fil-klima, it-telfien tal-bijodiversità, jew il-ġustizzja ambjentali. Is-soluzzjonijiet ibbażati fuq in-natura huma għodda importanti disponibbli biex jgħinu fit-tiswir tal-futuri urbani u jindirizzaw dawn l-isfidi u oħrajn. Dan id-dokument informattiv u analitiku jippreżenta eżempji prattiċi u ispirazzjoni għal dawk li jieħdu d-deċiżjonijiet lokali dwar l-użu ta’ approċċi ta’ kogovernanza għall-promozzjoni ta’ proċessi parteċipattivi u l-ħolqien kollaborattiv ta’ soluzzjonijiet ibbażati fuq in-natura. Dan jesplora kif jista’ jiġi sfruttat bis-sħiħ il-potenzjal ta’ dawn is-soluzzjonijiet fit-tfassil, fl-implimentazzjoni u fil-manutenzjoni tagħhom. Jiġu ppreżentati għażliet biex jingħelbu l-isfidi istituzzjonali fit-teħid tad-deċiżjonijiet dwar soluzzjonijiet ibbażati fuq in-natura, u l-valur tal-kogovernanza jintwera abbażi tal-esperjenzi tal-bliet, bl-għan li jispiraw bliet oħra biex jippruvaw approċċi ta’ governanza aktar inklużivi.