Valutazzjoni kwantifikata ta’ livell għoli tal-vulnerabbiltajiet ewlenin u r-riskji ta’ prijorità għaż-żoni urbani fl-UE

Dan ir-rapport jintroduċi metodoloġija ta’ analiżi tar-riskju klimatiku ta’ livell għoli għaż-żoni urbani li tipprovdi ħarsa minn fuq għal isfel, u wiesgħa, tar-riskji klimatiċi għall-bliet madwar l-Ewropa. L-approċċ jieħu vantaġġ mid-disponibbiltà dejjem akbar ta’ sett ta’ data Ewropew u globali u s-setgħa ta’ omputing biex jiġi applikat il-metodu għal 571 belt fil-bażi tad-data tal-Awditjar Urban tal-UE. Din l-analiżi tar-riskju tal-bliet ta’ livell għoli kienet tinvolvi:

• L-identifikazzjoni tal-prijoritajiet tal-partijiet ikkonċernati għall-valutazzjoni tar-riskju klimatiku u tal-vulnerabbiltà fuq skala ta’ belt;
• L-iżvilupp ta’ qafas għall-analiżi tar-riskju klimatiku fuq skala ta’ belt li juża data madwar l-UE (jew disponibbli globalment) sabiex tkun tista’ tiġi applikata biex tingħata valutazzjoni bażi tal-bliet kollha tal-UE fil-bażi tad-data tal-Awditjar Urban;
• L-iżvilupp ta’ sett ta’ għodod għall-immudellar tal-perikli klimatiċi fl-UE kollha għall-għargħar, il-mewġiet ta’ sħana u n-nixfiet;
• L-iżvilupp ta’ valutazzjoni tal-esponiment u tal-vulnerabbiltà fl-UE kollha ta’ kull belt fil-bażi tad-data tal-Awditjar Urban;
• L-integrazzjoni tas-settijiet tad-data dwar l-esponiment, il-vulnerabbiltà u l-perikli biex jiġu evalwati r-riskji.