ICARUS IWRM għall-Adattament għat-Tibdil fil-Klima fl-Ekosistemi Soċjali Rurali fin-Nofsinhar tal-Ewropa

Dan ir-rapport jiġbor fil-qosor il-kisbiet finali tal-proġett ICARUS. Il-proġett ICARUS kellu l-għan li jiżviluppa suġġerimenti għal dawk li jfasslu l-politika biex tiżdied l-effiċjenza tal-użu tal-ilma fl-agrikoltura billi l-ewwel janalizza u jifhem id-dimensjonijiet bijofiżiċi (id-disponibbiltà tar-riżorsi tal-ilma), soċjoekonomiċi (id-demografija, l-impjiegi, l-użu tal-art, u l-kompetizzjoni għall-użu tal-ilma), u istituzzjonali (id-Direttiva Qafas dwar l-Ilma, il-politiki agrikoli u ambjentali, il-politiki u l-atturi tal-ippjanar territorjali) tal-ġestjoni sostenibbli tal-ilma u mbagħad billi jidentifika strateġiji, prattiki u għodod innovattivi ta’ adattament għall-iffrankar tal-ilma f’sistemi ta’ produzzjoni irrigati, li jistgħu jinxterdu wkoll f’pajjiżi Mediterranji oħra. Filwaqt li ffoka fuq tliet studji tal-każijiet fl-Italja, fi Spanja u fil-Portugall, li kull wieħed minnhom qed jiffaċċja l-isfidi tiegħu stess, il-proġett żviluppa u ttestja metodu u għodda ta’ appoġġ għad-deċiżjonijiet biex jintegra l-ġestjoni tal-provvista u d-domanda għar-riżorsi tal-ilma fil-kuntest tal-bidliet globali u fil-qafas ta’ approċċ integrat u parteċipattiv, bħala soluzzjoni operazzjonali għall-integrazzjoni tat-tibdil fil-klima fil-politiki. Il-proġett ICARUS identifika lakuni fit-tfassil tal-politika attwali għal ġestjoni sostenibbli tar-riżorsi tal-ilma u żviluppa l-proposti tiegħu stess għal tfassil tal-politika effettiv u sod.
Dan ir-rapport tħejja fil-qafas tal-Inizjattiva ta’ Finanzjament tal-IWRM-NET, bl-intenzjoni li tiġi pprovduta informazzjoni rilevanti u li tiġi stimulata diskussjoni ta’ dawk li għandhom interess fil-ġestjoni integrata tar-riżorsi tal-ilma (IWRM).