Żieda fir-riskju maż-żmien ta’ perikli relatati mat-temp għall-popolazzjoni Ewropea: studju pronjostiku mmexxi mid-data

Dan l-istudju vvaluta r-riskju ta’ perikli relatati mat-temp għall-popolazzjoni Ewropea sal-2100.

Bħala l-ewwel pass, l-għadd annwali ta’ mwiet f’intervalli ta’ 30 sena meta mqabbel mal-perjodu ta’ referenza (1981-2010) sas-sena 2100 (2011-2040, 2041-2070 u 2071-2100) ġie vvalutat billi r-rekords tad-diżastri ġew ikkombinati ma’ periklu ta’ riżoluzzjoni għolja u projezzjonijiet demografiċi f’qafas ta’ mmudellar pronjostiku. Il-perikli bl-akbar impatt (jiġifieri: mewġiet ta’ sħana, mewġiet ta’ kesħa, nirien fil-foresti, nixfiet, għargħar tax-xmajjar u kostali u maltempati tar-riħ) ġew ivvalutati u ġew evalwati l-varjazzjonijiet spazjali u temporali fl-intensità u fil-frekwenza f’xenarju ta’ żamma tal-istatus quo tal-emissjonijiet ta’ gassijiet serra.

L-istudju kkonkluda li d-diżastri relatati mat-temp jistgħu jaffettwaw madwar żewġ terzi tal-popolazzjoni Ewropea kull sena sas-sena 2100 (351 miljun persuna esposti fis-sena [firxa ta’ inċertezza bejn 126 miljun u 523 miljun] matul il-perjodu 2071–100) meta mqabbla ma’ 5 % matul il-perjodu ta’ referenza (1981–2010; 25 miljun persuna esposti fis-sena).