Għarfien mis-sistemi nazzjonali ta’ monitoraġġ u evalwazzjoni tal-adattament

Pass importanti ħafna tal-proċess ta’ adattament għat-tibdil fil-klima huwa l-monitoraġġ u l-evalwazzjoni (M&E). Dan jippermetti lill-partijiet jitgħallmu mill-impatti klimatiċi, il-vulnerabbiltajiet, ir-riskji u l-effettività/l-effiċjenza tal-miżuri ta’ adattament, u jżidu r-responsabbiltà. Filwaqt li relattivament ftit pajjiżi fasslu u implimentaw sistema nazzjonali ta’ M&E għall-adattament, għadd ta’ pajjiżi indikaw fil-Kontributi Stabbiliti fil-Livell Nazzjonali (NDC) tagħhom li qed jiżviluppaw waħda jew qed jippjanaw li jagħmlu dan. Is-sistemi nazzjonali għall-M&E tal-adattament huma mfassla apposta għaċ-ċirkostanzi, il-prijoritajiet u l-kapaċitajiet domestiċi. Diversi kanali ta’ appoġġ bilaterali u multilaterali għandhom l-għan li jindirizzaw il-lakuni fl-informazzjoni u r-restrizzjonijiet tal-kapaċità u tar-riżorsi, li jistgħu jkunu fatturi li jillimitaw il-bini ta’ sistemi nazzjonali ta’ M&E għall-adattament. Il-proċessi u r-riżultati ta’ tali sistemi jistgħu jgħinu biex tiġi pprovduta informazzjoni rilevanti għall-valutazzjoni tal-progress lejn l-għan globali dwar l-adattament skont l-UNFCCC.