MODMAP ALFA: Immudellar, tbassir u mmappjar tal-emerġenza tal-aflatossini fiċ-ċereali fl-UE minħabba t-tibdil fil-klima

L-Aspergillus huwa ġeneru ta’ fungi li jikbru f’għadd ta’ għelejjel importanti tal-ikel (bħall-qamħirrum jew il-qamħ) u jipproduċu aflatossini tossiċi (AF) li huma ta’ tħassib serju fis-sikurezza tal-ikel. It-tixrid ta’ għelejjel sensittivi għall-aspergillus kif ukoll il-kundizzjonijiet tat-tkabbir għall-ispeċijiet tal-aspergillus huma mistennija li jinbidlu bil-klima. Din il-pubblikazzjoni tiddeskrivi l-emerġenza tal-AF taħt tliet xenarji ta’ tisħin (+0/2/5 °C). Ir-riskji tal-AF ġew immudellati għall-qamħ, għall-qamħirrum u għar-ross. Il-mudelli qiesu l-effetti tal-klima (it-tibdil) fuq il-fenoloġija tal-għelejjel (il-fjoritura, il-ħsad), it-tkabbir fungali u l-prattika agrikola (inkluża l-għażla tal-għelejjel). Iż-żieda ewlenija tar-riskju tal-AF kienet prevista għall-produzzjoni tal-qamħirrum mediterran taħt ix-xenarju ta’ +2 °C. Ir-riskji proġettati tal-AF mill-qamħ u mir-ross huma baxxi ħafna. Prattika agrikola tajba u ġestjoni ta’ wara l-ħsad ġew issuġġeriti bħala mezz għat-tnaqqis tar-riskju tal-AF.