Soluzzjonijiet ibbażati fuq in-natura fl-Ewropa: Politika, għarfien u prattika għall-adattament għat-tibdil fil-klima u t-tnaqqis tar-riskju ta’ diżastri

Il-ħidma man-natura u t-tisħiħ tar-rwol tal-ekosistemi jistgħu jgħinu biex jitnaqqsu l-impatti tat-tibdil fil-klima u tiżdied ir-reżiljenza għat-tibdil fil-klima. Approċċ bħal dan jista’ jwassal għal diversi benefiċċji, inkluż it-tnaqqis tal-pressjonijiet fuq il-bijodiversità, it-titjib tas-saħħa u l-benesseri tal-bniedem, it-tnaqqis tal-emissjonijiet ta’ gassijiet serra u l-bini ta’ ekonomija sostenibbli. Dan ir-rapport tal-EEA jipprovdi informazzjoni aġġornata għal dawk li jfasslu l-politika dwar kif għandhom japplikaw soluzzjonijiet ibbażati fuq in-natura għall-adattament għat-tibdil fil-klima u t-tnaqqis tar-riskju ta' diżastri u fl-istess ħin jagħmlu użu minn benefiċċji soċjetali multipli li dawn is-soluzzjonijiet jistgħu jġibu magħhom. Abbażi ta’ eżempji magħżula madwar l-Ewropa, ir-rapport juri kif l-impatti ta’ temp estrem u ta’ avvenimenti relatati mal-klima diġà huma indirizzati b’dan il-mod. Jivvaluta wkoll il-politiki globali u Ewropej u kif is-soluzzjonijiet ibbażati fuq in-natura qed jiġu integrati dejjem aktar fl-isforzi biex issir bidla lejn l-iżvilupp sostenibbli.