Ħarsa ġenerali lejn ir-riskji ta’ diżastri naturali u dawk ikkawżati mill-bniedem li l-Unjoni Ewropea tista’ tiffaċċja

Dan id-dokument ta’ ħidma tal-persunal tal-Kummissjoni huwa t-tieni edizzjoni ta’ ħarsa ġenerali lejn ir-riskji ta’ diżastri naturali u dawk ikkawżati mill-bniedem li l-UE tista’ tiffaċċja, imħejjija skont il-leġiżlazzjoni tal-UE dwar il-protezzjoni ċivili. L-għan tal-ħarsa ġenerali huwa li jinqabdu x-xejriet fix-xenarju tar-riskju ta’ diżastri li qed jevolvi, jiġu diskussi l-ixprunaturi ewlenin li jsawruh, tingħata ħarsa aktar mill-qrib lejn 12-il riskju ta’ diżastri magħżula ta’ rilevanza partikolari għall-Ewropa u jiġu infurmati d-deċiżjonijiet dwar il-ġestjoni tar-riskju biex jiġu evitati t-telf ta’ ħajjiet u d-danni. 

Wieħed mis-sorsi importanti li kkontribwew għall-ħarsa ġenerali huma l-valutazzjonijiet nazzjonali tar-riskju ta’ diżastri mibgħuta lill-Kummissjoni mill-Istati Membri tal-UE u mill-istati parteċipanti lill-Mekkaniżmu tal-Unjoni għall-Protezzjoni Ċivili matul iċ-ċiklu ta’ rapportar tal-2018. Minbarra l-informazzjoni mill-awtoritajiet nazzjonali, il-ħarsa ġenerali tibbaża fuq l-aħħar evidenza disponibbli mill-politika transsettorjali, il-ħidma operazzjonali u xjentifika tal-Kummissjoni dwar ir-riskju ta’ diżastri.