Nota ta' politika: L-importanza tal-protezzjoni tas-saħħa tal-bniedem fil-politiki tal-UE dwar il-klima

Hekk kif it-tibdil antropoġeniku fil-klima qed ikompli jeskala, l-effetti detrimentali tiegħu fuq is-saħħa tal-bniedem qed isiru evidenti, u dan jitlob azzjonijiet trasformattivi urġenti minn dawk li jfasslu l-politika Ewropea. Din in-nota ta’ politika tenfasizza l-importanza tal-protezzjoni tas-saħħa tal-bniedem fil-politiki tal-UE dwar it-tibdil fil-klima. Ir-Raggruppament Ewropew dwar is-Saħħa Klimatika, li jinkludi sitt proġetti ta’ riċerka pijunieri, jappella għal involviment akbar tal-leġiżlaturi u ta’ dawk li jfasslu l-politika biex joħolqu b’mod konġunt politiki bbażati fuq l-evidenza li jissalvagwardjaw b’mod eettiv is-saħħa pubblika fid-dawl tal-isfidi klimatiċi.

Ir-rakkomandazzjonijiet għall-azzjoni jinkludu:

L-inkorporazzjoni tas-salvagwardja tas-saħħa tal-bniedem fil-politiki rilevanti kollha dwar il-klima, b’attenzjoni speċjali għal dawk l-aktar vulnerabbli

Tiġi indirizzata d-diskrepanza fl-ekwità biex jitnaqqsu d-disparitajiet soċjali fl-eżiti tas-saħħa u jiġi adottat approċċ sistemiku u multisettorjali

It-tisħiħ urġenti tal-istrateġiji ta’ mitigazzjoni tat-tibdil fil-klima

L-adattament għas-saħħa jitqiegħed fiċ-ċentru tal-politiki dwar it-tibdil fil-klima, inklużi għodod bħal sistemi ta’ twissija bikrija jew sistemi ta’ sorveljanza tal-mard għal kundizzjonijiet sensittivi għall-klima

It-trasformazzjoni tas-sistemi tal-kura tas-saħħa biex titnaqqas b’mod sostanzjali l-impronta ambjentali tagħhom u jissaħħu l-kapaċitajiet ta’ tħejjija, rispons u reżiljenza tagħhom għal riskji u emerġenzi relatati mal-klima

It-trawwim tal-kollaborazzjoni fost ix-xjenzati, dawk li jfasslu l-politika, il-leġiżlaturi, u l-partijiet ikkonċernati kollha għall-iskambju tal-għarfien

Żieda fl-appoġġ għar-riċerka dwar ir-rabta bejn it-tibdil fil-klima u s-saħħa tal-bniedem