Rapport ta' progress dwar l-indirizzar tal-iskarsezza tal-ilma u n-nixfiet fl-Ewropa

It-Tielet Rapport ta' Segwitu għall-Komunikazzjoni dwar l-iskarsezza tal-ilma u l-perjodi ta' nixfa fl-Unjoni Ewropea COM (2007) 414 finali. Fl-2007, il-Kummissjoni adottat Komunikazzjoni dwar l-Iskarsezza tal-Ilma u n-Nixfa (WS&D)1. Il-Komunikazzjoni identifikat seba’ oqsma ta’ politika li kellhom jiġu indirizzati jekk l-Ewropa kellha timxi lejn ekonomija effiċjenti fl-użu tal-ilma. F'Ottubru 20072 il-Kunsill appoġġa l-għażliet identifikati fil-Komunikazzjoni u stieden lill-Kummissjoni biex tirrevedi l-istrateġija għall-SI&N;D sal-2012 u fl-2008 l-Parlament Ewropew adotta riżoluzzjoni li tenfasizza li huma meħtieġa azzjonijiet urġenti u aktar fondi. Azzjoni biex jitjieb l-użu effiċjenti tar-riżorsi tal-ilma għandha titqies fil-kuntest tal-inizjattiva Ewlenija dwar l-effiċjenza tar-riżorsi3 bħala parti mill-Istrateġija Ewropa 2020. Konsegwentement, ġew żviluppati azzjonijiet ta’ mitigazzjoni u ġew applikati restrizzjonijiet sabiex jiġu ristretti l-użu tal-ilma (FR), it-tisqija (RO, SE, CY) u t-tbaħħir (NL) f’xi wħud mill-Istati Membri affettwati. Sitt Stati Membri rrapportaw li ma esperjenzawx sitwazzjonijiet ta’ nixfa jew ta’ skarsezza tal-ilma (AT, BE, EE, IE, LU, SK), u l-istess japplika għall-Iżvizzera (CH). Din l-informazzjoni rrappurtata mill-Istati Membri għandha titqies b'rabta mar-rapport tal-2010 dwar l-Istat tal-Ambjent mill-Aġenzija Ewropea għall-Ambjent7 li jiddikjara li, "Ħlief f'xi pajjiżi tat-Tramuntana u b'popolazzjoni baxxa li għandhom riżorsi abbundanti, l-iskarsezza tal-ilma sseħħ f'ħafna żoni tal-Ewropa, b'mod partikolari fin-Nofsinhar, li jħabbtu wiċċhom ma' taħlita kruċjali ta' nuqqas serju ta' ilma u domanda għolja għalih". Dan ir-rapport jagħti aktar dettalji dwar il-firxa tal-iskarsezza tal-ilma u l-iskarsezza tal-ilma fl-UE u l-miżuri li qed jiġu stabbiliti biex jindirizzaw iż-żewġ sitwazzjonijiet. Ir-rapport jistabbilixxi wkoll l-attivitajiet li għandhom jiġu implimentati mill-Kummissjoni bi tħejjija għar-reviżjoni tal-2012 tal-politika dwar l-iskarsezza tal-ilma u l-perjodi ta' nixfa.