Qafas ta' Sendai għat-Tnaqqis tar-Riskju ta' Diżastri 2015-2030

Il-Qafas ta’ Sendai għat-Tnaqqis tar-Riskju ta’ Diżastri 2015-2030 jiddeskrivi seba’ miri ċari u erba’ prijoritajiet għal azzjoni biex jiġu evitati riskji ta’ diżastri ġodda u jitnaqqsu dawk eżistenti: (i) Il-fehim tar-riskju ta’ diżastri; (ii) It-tisħiħ tal-governanza tar-riskju ta’ diżastri għall-ġestjoni tar-riskju ta’ diżastri; (iii) Ninvestu fit-tnaqqis tad-diżastri għar-reżiljenza u; (iv) It-tisħiħ tat-tħejjija għad-diżastri għal rispons effettiv, u biex "Nibnu mill-Ġdid Aħjar" fl-irkupru, ir-riabilitazzjoni u r-rikostruzzjoni. Din għandha l-għan li tikseb it-tnaqqis sostanzjali tar-riskju ta’ diżastri u t-telf fil-ħajjiet, fl-għajxien u fis-saħħa u fl-assi ekonomiċi, fiżiċi, soċjali, kulturali u ambjentali tal-persuni, tan-negozji, tal-komunitajiet u tal-pajjiżi matul il-15-il sena li ġejjin.

Il-Qafas ġie adottat fit-Tielet Konferenza Dinjija tan-NU dwar it-Tnaqqis tar-Riskju ta' Diżastri f'Sendai, il-Ġappun, fit-18 ta' Marzu 2015.