Simplifikazzjoni tal-indikaturi Ewropej tal-bijodiversità 2020

Il-proċess tas-Simplifikazzjoni tal-Indikaturi Ewropej tal-Bijodiversità (SEBI) inbeda fl-2005 biex jipprovdi sett simplifikat ta’ indikaturi tal-bijodiversità għall-Ewropa. Dan ir-rapport jipprovdi pont għaċ-ċiklu l-ġdid tas-SEBI mirfud mill-politiki li ġejjin: il-Pjan Strateġiku għall-Bijodiversità 2011-2020 flimkien mal-miri ta' Aichi 2020 fil-livell globali, l-Istrateġija tal-UE għall-Bijodiversità 2020 u l-Istrateġija Pan-Ewropea għall-Bijodiversità 2020.

Is-SEBI kkonsolida sett koerenti ta’ indikaturi għall-kejl tal-progress u r-rappurtar dwar il-miri globali u tal-UE l-ġodda għall-bijodiversità. L-indikaturi kollha tas-SEBI jistgħu jintużaw biex jitkejjel il-progress skont is-sitt Miri l-ġodda tal-UE u l-20 Mira ta’ Aichi. Ġew identifikati wkoll lakuni li jeħtieġ li jiġu kkunsidrati aktar minn esperti tematiċi. Ir-rapport jenfasizza l-importanza tas-SEBI biex jiggwida lil dawk involuti fil-kejl u t-traċċar tax-xejriet tal-bijodiversità, inklużi dawk li jistudjaw l-impatti tat-tibdil fil-klima fuq il-bijodiversità.