Il-ħames rapport ta’ implimentazzjoni dwar id-Direttiva Qafas dwar l-Ilma u d-Direttiva dwar l-Għargħar

Ir-rapport jivvaluta l-pjanijiet ta’ mmaniġġjar tal-baċin tax-xmara tal-Istati Membri li jkopru mill-2015 sal-2021. Dan isegwi rapport tal-2018 mill-Aġenzija Ewropea għall-Ambjent li juri li l-kwalità tal-ilma fl-Ewropa qed titjieb bil-mod, bis-saħħa tat-trattament tal-ilma urban mormi, it-tnaqqis tat-tniġġis mill-agrikoltura u għadd akbar ta’ xmajjar u lagi li qed jirritornaw għal stat aktar naturali. Iżda għad hemm problemi madwar l-UE bit-tniġġis kimiku, l-astrazzjoni żejda tal-ilma, b’mod partikolari għall-agrikoltura, u eluf ta’ ostakli li jfixklu l-fluss naturali għax-xmajjar, b’konsegwenzi negattivi għall-kwalità tal-ilma.

Is-sejbiet tal-lum jinkludu titjib sinifikanti fl-għarfien u fir-rapportar dwar id-Direttiva Qafas dwar l-Ilma meta mqabbla maċ-ċiklu ta’ rapportar preċedenti. Aktar Stati Membri rrapportaw fil-ħin, b’informazzjoni aktar komprensiva, rilevanti u affidabbli.