L-Inizjattiva dwar l-Oċeani 2015, Parti II

Bejn l-1971 u l-2010, l-oċeani assorbew madwar 93 % tas-sħana żejda kkawżata mit-tisħin globali, li wassal għal diversi bidliet kbar bħaż-żieda fl-istratifikazzjoni, il-limitazzjoni fiċ-ċirkolazzjoni tan-nutrijenti mill-ilmijiet fondi sal-wiċċ, u ż-żieda fil-livell tal-baħar. Barra minn hekk, l-oċeani assorbew 26 % tas-CO₂ antropoġeniku emess mill-bidu tar-Rivoluzzjoni Industrijali, li rriżulta fl-aċidifikazzjoni tal-oċeani. Flimkien, dawn il-proċessi jaffettwaw b’mod qawwi d-distribuzzjoni ġeografika, l-abbundanza, ix-xejriet tal-migrazzjoni u l-fenoloġija tal-ispeċijiet tal-baħar u kostali. Bħala konsegwenza ta’ dawn il-bidliet ambjentali kumplessi, is-setturi umani tal-baħar u kostali (jiġifieri s-sajd, l-akkwakultura, it-turiżmu kostali u s-saħħa) huma min-naħa tagħhom f’riskju. Dan ir-rapport jipprovdi sinteżi aġġornata ta’ dak li x-xjenza tgħid dwar riskju bħal dan, abbażi tal-AR5 tal-IPCC (2013 - 2014) u artikli xjentifiċi ppubblikati u letteratura griża li ġew ippubblikati bejn Lulju 2013 u April 2015.

Ir-rapport huwa kkomplementat minn “L-Inizjattivadwar l-Oċeani 2015, Parti I - Sinteżi aġġornata tal-impatti osservati u mbassra tat-tibdil fil-klima fuq il-proċessi fiżiċi u bijoloġiċi fl-oċeani”.