Il-Qafas ta' Hyogo għal Azzjoni wara l-2015: Il-ġestjoni tar-riskji biex tinkiseb ir-reżiljenza

L-għan ta’ din il-Komunikazzjoni huwa li tistabbilixxi l-fehmiet inizjali tal-Kummissjoni dwar it-tfassil tal-Qafas ta’ Hyogo għal Azzjoni wara l-2015 li jibni fuq il-kisbiet ta’ firxa ta’ politiki tal-UE inklużi l-protezzjoni ċivili, il-protezzjoni ambjentali, is-sigurtà interna, l-adattament għat-tibdil fil-klima, is-saħħa, ir-riċerka u l-innovazzjoni, kif ukoll l-aġenda ta’ reżiljenza promossa permezz tal-azzjoni esterna tal-UE. Dan janalizza l-progress li sar u jindirizza l-lakuni fl-implimentazzjoni u l-isfidi emerġenti ta’ riskji dejjem akbar fil-futur.