Għodda ta’ Appoġġ għad-Deċiżjonijiet ADAPT2CLIMA

L-għan tal-Għodda ta’ Appoġġ għad-Deċiżjonijiet ADAPT2CLIMA huwa li ttejjeb il-fehim tat-tibdil fil-klima u l-impatti tiegħu fuq l-agrikoltura sabiex tappoġġa lill-bdiewa, lil dawk li jfasslu l-politika u lil partijiet ikkonċernati rilevanti oħra (agronomisti, industrija tan-negozju agrikolu, eċċ.) fl-ippjanar tal-adattament.

L-impatti tat-tibdil fil-klima fuq il-prestazzjoni tal-għelejjel, id-disponibbiltà tal-ilma u fuq is-settur agrikolu b’mod ġenerali huma ppreżentati permezz ta’ mapep u graffs ta’ viżwalizzazzjoni interattivi permezz tal-Għodda ADAPT2CLIMA. Barra minn hekk, l-għodda tista’ tiġi applikata biex jiġu esplorati l-għażliet ta’ adattament disponibbli għall-indirizzar tal-impatti tat-tibdil fil-klima u l-effiċjenza tagħhom fiż-żieda tar-reżiljenza tal-agrikoltura. L-għodda ġiet żviluppata fil-qafas tal-proġett LIFE ADAPT2CLIMA - Adattament għall-Impatti tat-Tibdil fil-Klima fuq l-Agrikoltura tal-gżejjer Mediterranji, li huwa kofinanzjat mill-programm LIFE għall-Ambjent u l-Azzjoni Klimatika (2014-2020).

L-għodda bħalissa hija applikata f’Ċipru, fi Kreta (il-Greċja) u fi Sqallija (l-Italja) iżda tista’ tintuża minn kull min jixtieq jiżviluppa strateġija ta’ adattament reġjonali għas-settur agrikolu tal-Italja, il-Greċja u Ċipru, permezz tal-karatteristika “applika l-għodda għaż-żona tiegħek”.

Il-manwal għall-utenti huwa disponibbli fuq: https://tool.adapt2clima.eu/wp-content/uploads/2020/06/Adapt2clima-tool_manual_EN.pdf