Kostali-SAF

Il-biċċa l-kbira tal-problemi taż-żoni kostali tal-lum jinvolvu ħafna interessi li jikkompetu ma’ xulxin u huwa ta’ importanza kruċjali li fl-istess ħin jiġu vvalutati d-dimensjonijiet soċjali u ekoloġiċi tagħhom. Dan is-sit web jiggwidak billi jesplora d-dinamika u l-interazzjonijiet tas-sistema billi juża Qafas ta’ Approċċ għas-Sistemi (SAF). L-SAF huwa metodoloġija li ġiet imfassla, żviluppata u ttestjata minn 54 istitut tar-riċerka u università madwar l-Unjoni Ewropea. Is-sit web joffri manwal b’ħames passi għall-identifikazzjoni ta’ kwistjonijiet, għar-rappreżentazzjoni u l-illustrazzjoni ta’ proċessi kumplessi, għall-interpretazzjoni tagħhom, u għall-involviment ma’ dawk li jfasslu l-politika u mal-partijiet ikkonċernati biex jitnaqqas id-distakk bejn ix-xjenza u l-politika u x-xjenza u s-soċjetà. Dan irawwem l-integrazzjoni bejn id-dixxiplini xjentifiċi differenti u s-soċjetà, u jippromwovi djalogu u trasferiment tal-għarfien xjentifiku għall-politika u s-soċjetà. Il-manwal SAF li se taħdem miegħu jiffoka fuq għodod eżistenti iżda jgħaqqadhom permezz tal-użu tat-teorija tas-sistemi. Dan jiggwidak permezz ta’ applikazzjoni SAF sħiħa u jagħtik linji gwida dwar kif timplimenta l-ħames passi, kif ukoll joffrilek sett ta’ informazzjoni essenzjali ta’ sostenn, varjetà ta’ eżempji, bibljografiji u links għal diversi bażijiet tad-data. (Sors: Kostali-SAF)