Sett ta’ Għodod għall-Ippjanar tal-Azzjoni ta’ Adattament tal-GRaBS uast0-2

Is-Sett ta’ Għodod għall-Ippjanar tal-Azzjoni ta’ Adattament huwa għodda ta’ valutazzjoni tal-vulnerabbiltà bbażata fuq l-internet żviluppata mill-proġett Adattament tal-Ispazju Ekoloġiku u Blu għal Żoni Urbani u Bliet Ekoloġiċi (GRaBS).

Il-proġett huwa network ta’ organizzazzjonijiet pan-Ewropej ewlenin involuti fl-integrazzjoni tal-adattament għat-tibdil fil-klima fl-ippjanar u l-iżvilupp reġjonali.

Il-portal tal-internet jinkludi:

• Għoddata’ Valutazzjoni - għodda ta’ valutazzjoni tar-riskju u tal-vulnerabbiltà innovattiva, kosteffettiva u faċli għall-utent, biex tgħin fl-ippjanar strateġiku tar-reazzjonijiet ta’ adattament għat-tibdil fil-klima, b’enfasi partikolari fuq l-għargħar u l-istress mis-sħana. L-Għodda tivvaluta l-vulnerabbiltà taż-żoni urbani għall-impatti tat-tibdil fil-klima, b’valutazzjoni addizzjonali tax-xejriet relattivi tar-riskju spazjali fejn tkun disponibbli data xierqa. L-Għodda tippermetti l-viżwalizzazzjoni tal-vulnerabbiltà, tal-esponiment u tal-perikli klimatiċi f’post partikolari.
• Studji ta’ Każijiet - bażi ta’ data ta’ studji ta’ każijiet, li juru approċċi ta’ adattament għat-tibdil fil-klima, b’enfasi partikolari fuq dawk relatati mal-infrastruttura ekoloġika (inklużi ġonna, parks, pajsaġġi produttivi, kurituri ekoloġiċi, soqfa u ħitan ekoloġiċi) u blu (bħal korpi tal-ilma, xmajjar, xmajriet, pjanuri mfawra u sistemi ta’ drenaġġ sostenibbli). Minflok ma tiffoka fuq l-elementi fiżiċi tal-istudji tal-każijiet, il-bażi tad-data tiddeskrivi fid-dettall il-proċess li appoġġa l-implimentazzjoni tar-risponsi ta’ adattament f’firxa ta’ żoni urbani madwar id-dinja.

Il-proġett ġie kofinanzjat mill-Fond għall-Iżvilupp Reġjonali tal-Unjoni Ewropea (FEŻR) u sar possibbli permezz tal-Programm INTERREG IVC.