Il-Ġimgħa Ekoloġika tal-UE 2018 se ssir fi bliet Ewropej differenti u se tesplora modi kif l-UE qed tgħin lill-bliet isiru postijiet aħjar fejn wieħed jgħix u jaħdem. Is-sessjonijiet huma organizzati fuq suġġetti bħall-ippjanar u l-iżvilupp urban fir-rigward tal-adattament għat-tibdil fil-klima, is-servizzi klimatiċi u l-appoġġ għall-finanzjament ta’ bliet sostenibbli. Se jiġu promossi wkoll approċċi u għodod għall-kondiviżjoni tal-aħjar prattiki, l-involviment tal-awtoritajiet lokali u ċ-ċittadini, u l-inkoraġġiment tagħhom biex jaqsmu l-viżjoni tagħhom ta’ futur sostenibbli.