It-tmien edizzjoni tal-Forum Ewropew dwar il-Protezzjoni Ċivili hija bbażata fuq it-tema "Insawru unjoni reżiljenti għad-diżastri: inwittu t-triq għall-futur tal-protezzjoni ċivili Ewropea". L-avveniment organizzat mid-Direttorat Ġenerali għall-Protezzjoni Ċivili u l-Operazzjonijiet tal-Għajnuna Umanitarja Ewropej (ECHO) huwa mistenni li jlaqqa’ flimkien aktar minn 1,000 parti kkonċernata inklużi gvernijiet, awtoritajiet lokali, nazzjonali u reġjonali tal-protezzjoni ċivili, dawk li jagħtu l-ewwel rispons, l-istituzzjonijiet tal-UE, il-komunità xjentifika, u s-settur privat.