Il-Jiem Ewropej tal-Oċeani huma avveniment ta’ ġimgħa b’sensiela ta’ sessjonijiet dinamiċi u interkonnessi ffukati fuq temi ewlenin relatati mal-oċeani inkluż l-adattament għat-tibdil fil-klima. Ispirata mill-Patt Ewropew dwar l-Oċeani, it-tielet edizzjoni tal-avveniment se tlaqqa’ flimkien il-mexxejja tal-industrija, in-negozji ġodda, l-investituri, dawk li jfasslu l-politika, ix-xjenzati, l-SMEs, ir-rappreżentanti mis-sajd u l-akkwakultura, il-gżejjer u l-komunitajiet kostali, il-komunità Missjoni dwar l-Oċeani u l-Ilmijiet, u s-soċjetà ċivili, inklużi l-ilħna taż-żgħażagħ.