Il-proġett MARCO jiffoka fuq l-evalwazzjoni tad-daqs attwali u futur tas-suq, kif ukoll fuq ir-rekwiżiti u l-benefiċċji ta’ osservatorju tas-suq dwar is-servizzi klimatiċi. Il-proġett EU-MACS jiffoka fuq l-ostakli, l-ixprunaturi u l-opportunitajiet li jaffettwaw l-użu tas-servizzi klimatiċi kif ukoll l-iżvilupp u l-provvista tas-servizzi klimatiċi. Peress li ż-żewġ proġetti se jaslu fi tmiemhom sa Diċembru 2018, l-eżiti se jiġu ppreżentati u diskussi mal-partijiet ikkonċernati minn diversi setturi sabiex ikompli jinftiehem is-suq għas-servizzi klimatiċi u jissawwar aħjar il-legat tal-proġetti.