Bħala parti mill-Patt Ekoloġiku Ewropew, il-Kummissjoni Ewropea bħalissa qed tħejji strateġija ġdida tal-UE dwar l-adattament għat-tibdil fil-klima, li se taħdem biex tidentifika u timminimizza r-riskji ewlenin, inkluż għas-saħħa. Dan l-aħħar tnediet konsultazzjoni pubblika dwar din l-istrateġija. Dan il-webinar interattiv, ospitat mill-Pjattaforma tal-Politika tas-Saħħa tal-UE, se jippreżenta l-ħidma tal-UE f’dan il-qasam. Se jieħdu sehem esperti ewlenin mid-direttorati tas-saħħa pubblika u tal-klima tal-Kummissjoni Ewropea, l-Aġenzija Ewropea għall-Ambjent, iċ-Ċentru Ewropew għall-Prevenzjoni u l-Kontroll tal-Mard u ċ-Ċentru Konġunt tar-Riċerka tal-Kummissjoni.