Aġenda

1. Merħba u introduzzjoni
   Climate-ADAPT: il-kuntest tal-politika. L-istruttura u l-kontenut tal-pjattaforma. L-objettivi u l-istruttura tal-webinar (EEA,José Ramón Picatoste; 5 minuti)
   
   
2. Climate-ADAPT Urban Adaptation Support Tool (UAST)
   Introduzzjoni għall-UAST (CoMo,Lea Kleinenkuhnen; 10 minuti)
   Esperjenzi fl-użu tal-UAST (il-Muniċipalità ta’Cascais, Joao Dinis; 10 minuti)
    
3. Climate-ADAPT Urban Adaptation Map Viewer (UAMV) 
   Bażi tal-UAMV u dimostrazzjoni diretta (EEA,Aleksandra Kazmierczak 15-il minuta)
    
4. Feedback, mistoqsijiet u tweġibiet (ikkoordinatiminn Aleksandra u José Ramón; 15-il minuta) 

Suġġetti possibbli għad-diskussjoni

• L-għodod urbani Climate-ADAPT huma utli? Għal liema għanijiet?
• X’għandha tkun l-enfasi biex jiġu żviluppati aktar l-għodod urbani Climate-ADAPT? 
• Tista’ tikkontribwixxi għat-tixrid tal-għodod urbani Climate-ADAPT?

 

Jekk tixtieq tipparteċipa, jekk jogħġbok ibgħat email qabel it-Tnejn 21 ta’ Ottubru lil climate.adapt@eea.europa.eu billi tipprovdi ismek, l-organizzazzjoni u l-indirizz tal-email tiegħek. Ladarba tkun irreġistrat tirċievi email għal aktar struzzjonijiet.
 

Informazzjoni ta' sfond

Il-pjattaforma Ewropea għall-adattament Climate-ADAPT għandha l-għan li tappoġġa lill-Ewropa fl-adattament għat-tibdil fil-klima, billi tgħin lill-utenti fil-livelli kollha ta’ governanza, inkluż dawk lokali, jaċċessaw u jikkondividu d-data u l-informazzjoni rilevanti biex jappoġġaw l-iżvilupp u l-implimentazzjoni ta’ politiki u azzjonijiet ta’ adattament.

L-impatti tat-tibdil fil-klima esperjenzati miż-żoni urbani fl-Ewropa jvarjaw abbażi tal-pożizzjoni ġeografika tagħhom u l-vulnerabbiltajiet speċifiċi tagħhom. It-tibdil fil-klima jaffettwa ħafna aspetti tal-għajxien urban, inkluż il-forniment ta’ servizzi essenzjali bħat-trasport, l-ilma, l-enerġija, l-akkomodazzjoni, il-kura tas-saħħa, u s-servizzi soċjali. Il-livell lokali għandu rwol ewlieni fl-ippjanar u l-implimentazzjoni ta’ azzjonijiet ta’ adattament biex tissaħħaħ ir-reżiljenza għall-klima tal-bliet u l-irħula Ewropej.
Climate-ADAPT tinkludi ħafna data u informazzjoni rilevanti għall-adattament urban, inklużi pubblikazzjonijiet, rapporti, proġetti ta’ riċerka, studji ta’ każijiet, u għażliet ta’ adattament li jistgħu jintużaw biex jappoġġaw azzjoni lokali minn dawk li jieħdu d-deċiżjonijiet. Barra minn hekk, Climate-ADAPT għandha żewġ għodod speċifiċi ta’ appoġġ għad-deċiżjonijiet urbani li huma fost l-aktar elementi li jżuruha nies tal-pjattaforma: l-Għodda ta’ Appoġġ għall-Adattament Urban u l-Viżwalizzatur tal-Mappa tal-Adattament Urban.

L-Għodda ta’ Appoġġ għall-Adattament Urban (UAST) hija żviluppata u miżmuma b’mod konġunt mill-Aġenzija Ewropea għall-Ambjent u l-Uffiċċju tal-Patt tas-Sindki - l-Ewropa. L-għan tal-għodda huwa li tassisti lill-bliet fl-iżvilupp, l-implimentazzjoni u l-monitoraġġ tal-pjanijiet ta’ adattament għat-tibdil fil-klima. Il-UAST jiddeskrivi l-passi kollha meħtieġa biex jiġi żviluppat u implimentat pjan ta’ adattament u jagħmel referenzi għal materjali ta’ gwida siewja u għodod oħra.

Il-Viżwalizzatur tal-Mappa tal-Adattament Urban (UAMV) jipprovdi ħarsa ġenerali lejn il-perikli klimatiċi attwali u futuri li jiffaċċjaw il-bliet Ewropej, il-vulnerabbiltà tal-bliet għal dawn il-perikli u l-kapaċità ta’ adattament tagħhom. Il-UAMV tiġbor informazzjoni minn diversi sorsi dwar id-distribuzzjoni u l-intensità spazjali osservati u mbassra ta’ temperaturi għoljin, għargħar, skarsezza tal-ilma u nirien fil-foresti. Jipprovdi wkoll xi informazzjoni dwar il-kawżi tal-vulnerabbiltà u l-esponiment tal-bliet għal dawn il-perikli, marbuta mal-karatteristiċi tal-bliet u l-popolazzjoni tagħhom. Fl-aħħar nett, il-viżwalizzatur tal-mapep jipprovdi informazzjoni dwar is-sitwazzjoni attwali tal-ippjanar u l-azzjonijiet ta’ adattament tal-bliet Ewropej.