Tonnta teasa

Is iad tonnta teasa an ghuais is suntasaí is cúis le básanna daonna a bhaineann leis an aimsir le fiche nó tríocha bliain anuas. Bhí tonn teasa na hEorpa sa samhradh 2003 amháin ina chúis le suas le 70 000 bás breise thar 4 mhí i lár agus in iarthar na hEorpa. Is é mortlaíocht mhéadaithe an tionchar is mó a bhíonn ag tonnta teasa. Mar sin féin, is féidir le nochtadh do laethanta teo agus d’oícheanta teo tionchar a imirt ar shláinte agus ar fholláine an duine ar bhealaí éagsúla eile, lena n-áirítear ‘droch-ghiúmar’, mothú míchompord agus éirí tinn, na tosca uile a léirítear le ‘compord teirmeach’.
Is gnách go mbíonn an teocht i gceantair uirbeacha níos airde ná an teocht ina gceantair thuaithe máguaird, rud a chruthaíonn feiniméan a bhaineann go sonrach leis an gcathair ar a dtugtar an teasoileán uirbeach (UHI). Tá an éifeacht seo le feiceáil fiú san oíche. Tá oícheanta fuara tábhachtach chun cabhrú le daoine téarnamh ó theas an lae.
Meastar go dtiocfaidh méadú ar nochtadh do theas, arna thomhas mar líon na laethanta teo agus na n-oícheanta trópaiceacha, ar fud na hEorpa. Is iad na cathracha i ndeisceart na hEorpa is mó atá neamhchosanta, ach meastar go dtiocfaidh méadú ar na laethanta teo agus na hoícheanta trópaiceacha seo in iarthar, i lár agus in oirthear na hEorpa, áit nach mbíonn daoine agus bailte chomh cleachtaithe le teas.
Bíonn tionchar ag fachtóirí éagsúla ar nochtadh teasa, ar an íogaireacht dó agus ar an gcumas freagartha (tábla). Léiríonn na léarscáileanna seo a leanas cuid de na fachtóirí seo, agus tugann siad léiriú éigin ar an staid (i glas). Ní mór iad a léirmhíniú ina n-iomláine, mar aon leis na tosca eile a éilíonn faisnéis áitiúil nó cháilíochtúil fós.