Treoir do Cheardchumainn: Oiriúnú don Athrú Aeráide agus do Shaol na hOibre

Ciallaíonn oiriúnú don athrú aeráide ‘éifeachtaí diúltacha an athraithe aeráide a thuar agus gníomhaíocht iomchuí a dhéanamh chun an damáiste a d’fhéadfadh a bheith ina gcúis leo a chosc nó a íoslaghdú nó chun leas a bhaint as deiseanna a d’fhéadfadh teacht chun cinn’. Is é príomhchuspóir an oiriúnaithe leochaileacht aeráide réigiún sonrach, earnálacha eacnamaíocha sonracha nó daonraí sonracha a laghdú.

Tá roinnt cuspóirí ag an treoir seo: ar an gcéad dul síos, tugtar sainmhíniú soiléir ann ar choincheap an oiriúnaithe don athrú aeráide. Ar an dara dul síos, tá sé mar aidhm leis léargas soiléir a thabhairt don léitheoir ar an tionchar a bheidh ag iarmhairtí an athraithe aeráide ar réigiúin agus ar earnálacha éagsúla na hEorpa. Ar an tríú dul síos, tá sé d’aidhm aige míniú a thabhairt ar na héifeachtaí a bheidh ag an athrú aeráide ar shláinte agus ar shábháilteacht oibrithe. Ar deireadh, sonraíonn sé sraith moltaí agus féachann sé ar chleachtais atá ann cheana chun ligean do cheardchumainn gníomhú maidir le hoiriúnú ag na leibhéil éagsúla.