EN ISO 14091:2021 Oiriúnú don athrú aeráide — Treoirlínte maidir le leochaileacht, tionchair agus measúnú riosca

Soláthraíonn measúnú riosca bunús do phleanáil, do chur i bhfeidhm, agus do mhonatóireacht agus do mheastóireacht oiriúnaithe don athrú aeráide d’eagraíocht ar bith, beag beann ar mhéid, ar chineál agus ar nádúr. Tugtar treoirlínte sa doiciméad seo chun measúnú a dhéanamh ar na rioscaí a bhaineann le tionchair fhéideartha an athraithe aeráide. Déantar cur síos ann ar conas leochaileacht eagraíochta a thuiscint agus conas measúnú riosca fónta a fhorbairt agus a chur chun feidhme i gcomhthéacs an athraithe aeráide. Is féidir é a úsáid chun measúnú a dhéanamh ar rioscaí an athraithe aeráide atá ann faoi láthair agus a bheidh ann amach anseo. 

Tá struchtúr an doiciméid seo ag tosú le réamhrá ar choincheap an mheasúnaithe riosca ar an athrú aeráide, agus ina dhiaidh sin ullmhú, cur chun feidhme agus doiciméadú agus cur in iúl an mheasúnaithe riosca ar an athrú aeráide.

Tugtar treoir sa chaighdeán maidir le measúnuithe scagtha agus slabhraí tionchair a úsáid, rud a fhágann gur féidir anailís cháilíochtúil agus chainníochtúil a dhéanamh. Cuidíonn an cineál faisnéise seo, atá doiciméadaithe ar bhealach atá comhaontaithe go hidirnáisiúnta, le heagraíochtaí de gach cineál agus méid cinntí gnó níos fearr a dhéanamh. Is uirlis úsáideach é freisin le haghaidh tuairisciú a bhaineann leis an aeráid.