Cinntí atá Cliste ó thaobh na hAeráide de

Is féidir a áirithiú le Measúnú Tionchair (MT) go dtugann dearadh beartas, pleananna, clár agus tionscadal aghaidh mar is ceart ar mhaolú an athraithe aeráide (éifeachtaí an togra ar astaíochtaí gás ceaptha teasa), agus ar oiriúnú don athrú aeráide (éifeachtaí an athraithe aeráide ar an togra). Agus an t-athrú aeráide á chur san áireamh sa chinnteoireacht trí mheasúnú tionchair, is féidir cuidiú le leochaileacht i leith aeráid atá ag athrú a laghdú agus, ar an gcaoi sin, athléimneacht na gcóras nádúrtha agus daonna a mhéadú. Is féidir ról suntasach a bheith ag MT maidir le cuspóirí náisiúnta, réigiúnacha nó earnála um athrú aeráide a bhaint amach. Is achoimre thapa é seo ón gComhlachas Idirnáisiúnta um Measúnú Tionchair ina sainaithnítear cúig rud thábhachtacha ba cheart a bheith ar eolas ag duine agus ba cheart dó a dhéanamh agus measúnú tionchair á dhéanamh aige.