Doiciméad Inmheánach Oibre de chuid an Choimisiúin — Prionsabail agus moltaí chun breithnithe maidir le hoiriúnú don athrú aeráide a chomhtháthú faoi chláir oibríochtúla an Chiste Eorpaigh Muirí agus Iascaigh 2013-2020

Beartaítear leis an togra ón gCoimisiún maidir leis an gCiste Eorpach Muirí agus Iascaigh (CEMI) gníomhú ar son na haeráide maidir le hoiriúnú agus maolú trí chláir CEMI. Áirítear an méid seo a leanas sa togra: cuspóirí soiléire beartais a shaothrófar trí na sé thosaíocht de chuid an Aontais, a dtagraíonn cuid acu do ghníomhú ar son na haeráide; cuspóirí trasnaí amhail nuálaíocht, comhshaol agus maolú ar athrú aeráide agus oiriúnú don athrú sin atá le saothrú trí chláir CEMI; solúbthacht mhéadaithe maidir leis na cláir a dhearadh, rud a chiallaíonn gur féidir na bearta a chlársceidealú i ndáil le roinnt tosaíochtaí de chuid an Aontais; díriú níos mó ar fheidhmíocht CEMI bunaithe ar choinníollacht ex-ante agus ar chóras athbhreithnithe feidhmíochta; díriú ar thorthaí na gclár — spriocanna a leagan síos de réir cuspóirí sonracha atá nasctha le Tosaíochtaí an Aontais. Is é is aidhm don doiciméad seo a áirithiú go mbeidh cuspóirí maidir le hoiriúnú don athrú aeráide leabaithe i ndearadh chláir oibríochtúla CEMI 2014-2020 (Cláir Oibríochtúla). Tá sé dírithe ar na páirtithe leasmhara uile a bhfuil baint acu le cláir CEMI a ullmhú agus le dul i gcomhairle leo, lena n-áirítear saineolaithe aeráide agus páirtithe leasmhara seachtracha.