Treoir maidir le Sonraí faoi Dhamáiste agus Caillteanas Tubaistí a Thaifeadadh agus a Chomhroinnt

Cuirtear treoir ar fáil sa tuarascáil seo do na Ballstáit maidir le feabhas a chur ar chomhleanúnachas agus iomláine an phróisis náisiúnta taifeadta sonraí maidir le damáiste agus caillteanas ó thubaistí, próiseas atá riachtanach chun tacú le beartais agus gníomhaíochtaí fianaisebhunaithe maidir le bainistiú riosca ó thubaistí. Moltar ann gnéithe riachtanacha de mhodheolaíocht mheasúnaithe chun sonraí maidir le damáiste agus caillteanas a thaifeadadh agus moltar ann figiúirí comhiomlána simplithe chun na sonraí a chomhroinnt de réir formáid choiteann malartaithe sonraí. Leis an gcreat comhchoiteann atá beartaithe chun sonraí maidir le damáiste agus caillteanas a thaifeadadh, tacaítear go díreach le tuairisciú ar tháscairí le haghaidh spriocanna domhanda maidir le laghdú rioscaí tubaiste, a bheartaítear mar chuid de thiomantas an Aontais do na Spriocanna Forbartha Inbhuanaithe iar-2015 agus do Chreat Sendai um Laghdú Rioscaí Tubaistí. Is é an treoir a thugtar anseo an chéad atriall agus táthar ag súil go dtiocfaidh forbairt uirthi le tuilleadh comhairliúcháin agus taithí ó na páirtithe leasmhara iomadúla ó na Ballstáit.