Treoir maidir leis an Athrú Aeráide agus an Bhithéagsúlacht a Chomhtháthú sa Mheasúnú Tionchair ar an gComhshaol.

Aithnítear ar fud na hEorpa agus ar fud an domhain an gá atá le gníomhaíocht maidir leis an athrú aeráide agus le cailliúint na bithéagsúlachta. Chun dul chun cinn a dhéanamh i dtreo an t-athrú aeráide a chomhrac agus oiriúnú dó, agus stop a chur le cailliúint na bithéagsúlachta agus le díghrádú na n-éiceachóras, tá sé ríthábhachtach na saincheisteanna sin a chomhtháthú go hiomlán sna pleananna, sna cláir agus sna tionscadail a chuirtear chun feidhme ar fud an Aontais. Is féidir le Measúnú Comhshaoil rannchuidiú le comhtháthú sin an athraithe aeráide go luath agus ar an gcaoi sin leochaileacht a laghdú agus athléimneacht córas nádúrtha agus daonna a mhéadú. Cuirtear treoirlínte agus moltaí ar fáil sa tuarascáil chun an t-athrú aeráide agus an bhithéagsúlacht a chomhtháthú sa Mheasúnú ar an Tionchar ar an gComhshaol (MTC). Ós rud é go bhfuil dlúthbhaint idir an t-athrú aeráide agus cailliúint na bithéagsúlachta — dála an oiread sin saincheisteanna comhshaoil eile atá os ár gcomhair — cumhdaítear iad sa treoir chéanna.